တေႁဵတ်းႁိုဝ် ၶဝ်ႈတႅမ်ႈၼႂ်း ဝီႇၶီႇၽီးတီး

ၵႂႃႇၸူး လိင်ႉ

https://shn.wikipedia.org/

ဝၢႆးၶဝ်ႈၸူးယဝ်ႉ တေလႆႈႁၼ်မိူၼ်ၼင်ႇတႂ်ႈၼႆႉ

လၢႆးႁဵတ်း ဢၶွင်ႉ

ဝၢႆးၶဝ်ႈၸူးလိင်ႉၼိူဝ်ၼႆႉယဝ်ႉ တေလႆႈႁၼ် ၼႃႇဝီႇၶီႇႁဝ်း ႁပ်ႉတွၼ်ႇဝႆႉၼင်ၼိူဝ်ၼႆႉ။ ႁဝ်းတဵၵ်းတီႈ ဢၼ် "ၵေႃႇသၢင်ႈဢၶွင်ႉ" ဢၼ်မီး ၸဵင်ႇၼိူဝ်ၶႂႃမိုဝ်း၊ ပေႃးၸဝ်ႈၵဝ်ႇပႆႇယၢမ်ႈႁဵတ်းဢၶွင်ႉသေပွၵ်ႈ။ ပေႃးၸဝ်ႈၵဝ်ႇမီး ဢၶွင်ႉဝႆႉယဝ်ႉၼႆ တဵၵ်း လွၵ်ႉဢိၼ်ႇ သေ ပေႃႉသႂ်ႇ ၸိုဝ်ႈ မၢႆလပ်ႉ။

- ဝႆႉဝႃႈ ႁဝ်းပႆႇမီး ဢၶွင်ႉၼႆသေ တဵၵ်း တီႈ "ၵေႃႇသၢင်ႈဢၶွင်ႉ"၊

ဝၢႆးတဵၵ်းယဝ်ႉ တေလႆႈႁၼ်မိူၼ်ၼင်ႇတႂ်ႈၼႆႉ-

ၵမ်းၼႆႉ ႁဝ်းသႂ်ႇၵႂႃႇ ၸိုဝ်ႈ၊ မၢႆလပ်ႉ၊ မၢႆဢီးမေးလ် ၵႃႈၼၢႆႉၵူၺ်းၶႃႈ။ ပေႃးယဝ်ႉယဝ်ႉ ၼႆ တေၸၢင်ႈႁဵတ်း လွၵ်ႉဢိၼ်ႇသေ ၶဝ်ႈတႅမ်ႈလႆႈယဝ်ႉၶႃႈ။

ဝၢႆးၶဝ်ႈယဝ်ႉတေလႆႈႁၼ်သင်လၢႆလၢႆ -

မိူင်ၼင်ႇၼိူဝ်ၼႆႉ တေလႆႈႁၼ် ဢၶွင်ႉၶႃႈ ၶဝ်ႈဝႆႉဢေႃႈ။ ၽၢႆႇသၢႆႉ၊ ၽၢႆႇၶႂႃႇ တေမီးဝႆႉ လၢႆလၢႆဢၼ် မိူၼ်ၼင်ႇဢၼ်ႁၼ်ယူႇၼၼ်ႉ၊ ၵၢၼ် ႁဝ်းတင်ႈ ၼႃႈဝီႇၶီ ႁႂ်ႈမိူၼ်ၸႂ်ႁဝ်းၼႄႇ ၸိူဝ်းၼႆႉ ၶဝ်တဵၵ်းသေ လဵပ်ႈႁဵၼ်းဢဝ်ႁင်းၵူၺ်းၶႃႈ မၼ်းပဵၼ် ၽၢႆႇတႆးမူတ်းဝႆႉယဝ်ႉ။ ၽၢႆၶႂႃႇမိုဝ်းၼၼ်ႉ တႄႉ တေ သမ်ႉလႅင်းၼေဝႃႈ ဝီႇၶီႇ လိင်ႉ တေႇတႃႇ ပဵၼ်သင် ၸိူဝ်းၼႆႉ လူတ်ႇလူင်းပဵၼ် PDF ၼႄႇ ၸိူဝ်းၼႆႉ ၶိုၼ်းၶဝ်ႈတူၺ်းႁင်းၵူၺ်းလႃႈ။

တေပိၼ်ႇတူၺ်းၼိုင်ႈဢၼ်

ႁဝ်းတေၸၢမ်းတူၺ်း Korea ၶႃႈၼေႃႈ။ ပေႃးႁဝ်းႁႃတူၺ်း မိူင်းၵၢဝ်းလီၸၢၼ်းၼႆ ပႆႇမီးသင် မိူၼ်ၼင်ႇတႂ်ႈၼႆႉၶႃႈ။

ႁဝ်းမႃးႁႃတူၺ်းပႆႇမီး ဢၼ်တႅမ်ႈဝႆႉလွင်ႈ Korea ၵွပ်ႈၼၼ်ႉ ႁဝ်းတေတႅမ်ႈလွင်ႈၼႆႉ။

ဢွၼ်တၢင်းသုတ်းႁဝ်းၵႂႃႇၸူးတီႈ ၼႃႈဝီႇၶီႇ ဢၼ်ႁဝ်းၶႂ်ႉပိၼ်မႃး - ၶႃႈတႄႉ တေပဵၼ် English ၵွပ်ႈၼၼ် တေပိုတ်ႇ ၼႃႈလိၵ်ႈလွင်ႈ Korea တီႈ en.wikipedia.org မိူၼ်ၼင်ႇႁၼ်ဝႆႉတႂ်ႈၼႆႉ။ ႁဝ်းတေတဵၵ်းတီႈ 135 Languages ၼၼ်ႉၶႃႈ။

ၵမ်းၼႆႉ တဵၵ်းတီႈ Translate this page ယဝ်ႉ တဵၵ်း Add Languages

ၵမ်းၼႆႉ တေလႆႈႁၼ်မိူၼ်တႂ်ႈၼႆႉ၊ မၼ်းတေဝႃႈ ယၢမ်းလဵဝ် Wikipedia မီး ၶိူင်ႇတႃႇပိၼ်ႇၽႃႇသႃႇယဝ်ႉၸၢမ်းတူၺ်းလႄႈၼႆႉ။ ႁဝ်းတေတဵၵ်း Try it Now!

မၢႆတွင်း- ၶိူင်ႈပိၼ်ႇၶဝ်ၼႆႉ ပဵၼ်ဢၼ်ၸႂ်ႉတိုဝ်းဝႆႉ AI မၼ်းတေဢမ်ႇ ပိၼ်ႇၽဵၼ်ႈၽဵၼ်မိူၼ်ၵူၼ်းလၢတ်ႈ၊ မၼ်းၸွႆႈပၼ်တႃႇ ႁႂ်ႈပဵၼ် ဢၼ် ယိုၼ်ယၼ်လီတႃႇၽူႈပိၼ်ႇၽႃႇသႃႇၵူၺ်းၼႆၶႃႈ။

ၵမ်းၼႆႉ ႁဝ်းတေလႆႈႁၼ် ၸိူင်ႉၼင်ႇတႂ်ႈၼႆႉ- မၼ်းတေၼႄဝႆႉ ႁဝ်းပိၼ်ႇဝႆႉမီးသင်လၢႆလၢႆ ။ ႁဝ်းတေပိၼ်ႇမႂ်ႇလႄႈ တေတဵၵ်း New translation

ဝၢႆးတဵၵ်း New translation ယဝ်ႉ ႁဝ်းတေသွၵ်ႈႁႃ korea ၼႃႈလိၵ်ႈဢၼ်ႁဝ်းတေၶႂ်ႉလႆႈၼၼ်ႉႁႂ်ႈပဵၼ် ၼႃႈလိၵ်ႈဢၼ်ႁဝ်းတေပိၼ်ႇမႃး၊ ၶႃႈတႄႉ ပဵၼ် English ၵွပ်ႈၼၼ်ႉ လိူၵ်ႈဢၼ်ၼႆႉ၊

ၵမ်းၼႆႉ တီႈတေပိၼ်ႇၸူးၼၼ်ႉ ႁဝ်းတႅမ်ႈ shn ဢမ်ႇၼၼ် လိၵ်ႈတႆးၼႆၵေႃႈလႆႈ။

ၵမ်းၼႆႉ တေလႆႈႁၼ်ၸိူင်ႉၼႆ ၽၢႆႇသၢႆႉ၊ ၽၢႆႇၶႂႃ ။ ၽၢႆႇၶႂႃသုတ်းၼၼ်ႉသမ်ႉ မၼ်းတေလၢတ်ႈၼေလၢႆးၸႂ်ႉ ၶိူင်ႇပိၼ်ႇမၼ်းၶႃႈ။

ပေႃးႁဝ်းတေႁဵတ်းႁႂ်ႈမၼ်းပိၼ်ႇၼႆ- တဵၵ်းလွၵ်းပဝ်ႇ ၽၢႆႇၶႂႃ ၼၼ်ႉသေ ပႂ်ႉ ၵႅပ်ႉၵေႃႈ လိၵ်ႈတႆးတေၽုတ်းဢွၵ်ႇမႃးၶႃ။

ၼေ ... ဢွၵ်ႇမႃးၸိူင်ႉၼႆ။ ပေႃးႁဝ်းမႃးလူတႄႉ တေဢမ်ႇပွင်ႇလီ ၵွပ်ႈမၼ်းပဵၼ် တႃႇ ႁဝ်းယိုၼ်ယၼ်ၵူၺ်းၶႃးလု၊ ႁဝ်းလူဝ်ႇၶိုၼ်းမေး သႂ်ႇမီႇၵီးဢွႆၵိူဝ် ပၼ် ၼႂ်းလွၵ်း ၽၢႆႇၶႂႃ ၼၼ်ႉ ၵူၺ်းၶႃ။ မၼ်းတေ ႁဵတ်းပၼ် Auto Save လႄႈ ပေႃး ဢမ်ႇၶႂ်ႉပိၼ်ႇ ၶႂ်ႉလိုဝ်ႈၼႆၵေႃႈ ပိၵ်ႉပႅတ်ႈသေ ၶိုၼ်းမႃးသိုပ်ႇပိၼ်ႇၶိုၼ်းမိူဝ်ႈလႂ်ၵေႃႈလႆႈၶႃႈ။ ပေႃး ပိၼ်ႇယဝ်ႉမူတ်းယဝ်ႉၼႆတဵၵ်းပၼ် Publish ၼႆၵေႃႈလႆႈယဝ်ႉၶႃ။