ၸွႆႈ ႁႂ်ႈလိၵ်ႈတႆးတိူဝ်းလီမႃးတီႈ Google Translate
တေႁဵတ်းႁိုဝ် ၸွႆႈပၼ် Feedback တီႈ Google Translate ႁႂ်ႈလိၵ်ႈတႆးႁဝ်း တိူဝ်းလီမႃး
⚠️ၾၢင်ႉ ⚠️- ဢၼ်ၵႂႃႇပၼ် Feedback မူၼ်ႉမေးလိၵ်ႈတႆး တီႈ Google Translate ၼၼ်ႉ ပေႃးၸဝ်ႈၵဝ်ႇ ဢမ်ႇမေႃ တေႉတေႉ| ဢမ်ႇလႅၼ်ႇလိၵ်ႈ လႅၼ်ႇၵႂၢမ်း 🙅♂️🙅♀️🙅🤦♀️ယႃႇလႃႈလီၵႂႃႇတႅမ်ႈသႂ်ႇၶႃႈ ။ ဢမ်ႇႁု ၽွၼ်ႉ ယူႇၼီႇၶူၵ်ႉႁိုဝ် ၽွၼ်ႉၵဝ်ႇၽွၼ်ႉမွၼ် ဢေယိင်း| ၵေႃႉၸၢႆးၶဝ်သေ ပတ်ႉသႂ်ႇ ၸိူဝ်းၼႆႉ ယႃႇႁဵတ်းၶႃႈ ပီႈၼွင်ႉတႆး ။❗
ဝၢႆး Google ၶဝ် ထႅမ်ႈ လိၵ်ႈတႆး တီႈ Google Translate မႃး၊ ၵမ်ႉၼမ်ၼမ် တေလႆႈႁၼ် ၶေႃႈၵႂၢမ်း မၢင်ၶေႃႈ မၢင်ဢၼ် မၼ်းတိုၵ်ႉမီးတီႈ ၽိတ်းပိူင်ဝႆႉ တၢင်းၼမ်။ ၼင်ႇႁိုဝ် ၵၢၼ်လႅၵ်ႈပိၼ်ႇ လိၵ်ႈတႆး ႁဝ်းတီႈၼၼ် တိူဝ်းလီမႃးၼၼ်ႉ ႁဝ်းၸိူဝ်းဢၼ်မေႃၵႂၢမ်း လိၵ်ႈမၼ်း လီလီ ၽွမ်ႉၵၼ် ထႅမ်ၸွႆႈၵႂႃႇ ၼႆ မၼ်းတေ လႅၵ်ႈပိၼ်ႇပၼ် ႁဝ်းၽဵၼ်ႈၽဵၼ်ႈၶႃႈ။
ႁဝ်းတေႁဵတ်းႁိုဝ်?
ဢၼ်တေႁဵတ်းၼႄၵႂႃႇၼႆႉ တေပဵၼ် လိၵ်ႈတႆး လႄႈ ဢၢင်းၵိတ်ႉ။ ပေႃးၸဝ်ႈၵဝ်ႇ လူင်ႉလႅၼ်ႇ လိၵ်ႈတၢင်ႇမဵဝ်းၼႆၵေႃႈ သိုပ်ႇၸႂ်ႉတိုဝ်းလၢႆးၼႆႉ သေ ၸွႆႈၵႂႃႈလႆႈယူႇၶႃႈ။
::: ႁဝ်းၵႂႃႇတီႈ https://translate.google.com ယဝ်ႉတႅမ်ႈသႂ်ႇဢၼ်ႁဝ်းၶႂ်ႉထၢမ်ႇသေ တူၺ်းၸွင်ႇမၼ်း လႅၵ်ႈပိၼ်ႇပၼ် ထုၵ်ႇမႅၼ်ႈ ။ ၼႂ်းပိူင်ႇတႅၵ်ႈ ဢၼ်ၶႃႈၸၢမ်းၼႆႉ ပေႃးမႃးတူၺ်းဢၼ်ၶႃႈ တႅမ်ႈၽၢႆ ဢၢင်းၵိတ်ႉၼၼ်ႉ လႄႈ ၽၢႆႇတႆးဢၼ်ဢွၵ်ႇမႃး တေႁၼ်ဢမ်ႇတဵမ်ထူၼ်ႈဝႆႉ။
How far you can go? - မႂ်းတေၵႂႃႇလႆႈၵႆႈၵႃႈႁိုဝ်?
ၼႂ်းဢၼ်မၼ်းပိၼ်ႇပိၼ်ၼၼ်ႉ ဢမ်ႇပႃးမႃး တႃႇ You, မႂ်း/သူ ။
မတ- ၵဝ်ႇ| မႂ်း ၼၼ်ႉ မၼ်းဢမ်ႇၸႂ်ႇ ၵႂၢမ်းလိူင်းသိူင်းၼေႃႈ။ ၼႂ်းဢၢင်းၵိတ်ႉၵေႃႈ ဢမ်ႇမီး ၵဝ်ႇမႂ်းၵူၺ်း။ ၵမ်ႉၼမ်ၼမ် တေၸႂ်ႉ သူ|ႁဝ်း။ သုၼ်ႇတူဝ်ႇၶႃႈတႄႉ ဢမ်ႇပေႃးၸႂ်ႉ ၵဝ်|မႂ်း ၵွပ်ႇဢမ်ႇယၢမ်ႈသူပ်း၊ တႄႇ ၼႂ်းၵၢၼ်တႅမ်ႈလိၵ်ႈလႄႈ ပိၼ်ႇၽႃႇသႃႇႁဝ်းတႄႉ ၶႃႈထင်ႇလူဝ်ႇလႅၵ်ႈလၢႆႈယူႇၶႃႈယူဝ်ႉ။ ပၼ်တၢင်းႁၼ်ထိုင်ၵၼ်ၽွင်ႈၼႃ။
ႁဝ်းတေပၼ်ၶေႃႈႁၼ်ထိုင်ၶဝ်ၼေႃႈ။
တီႈၽၢႆႇၶႂႃႇ တၢင်းတႂ်ႈၼၼ်ႉ တဵၵ်းတီႈ ဢၼ်ၼႄမိုဝ်း2ၶွၼ်ႇၼၼ်ႉ ယဝ်ႉတဵၵ်းပၼ် Suggest an edit
ယဝ်ႉႁဝ်းတႅမ်ႈသႂ်ႇဢၼ်ထုၵ်ႇမႅၼ်ႈမၼ်း မိူၼ်ႇၼင်ႇ တႂ်ႇၼႆႉ ၶႃးထႅမ်သႂ်ႇ တူဝ် မႂ်း လႄႈ ? သေ တဵၵ်းပၼ် Submit ၼႆၵေႃႈလႆႈယဝ်ႉၶႃႈ။
ႁဝ်းဢွၼ်ၵၼ်ၸွႆႈ မေးပၼ်ၸိူင်ႉၼႆ ၵႂႃႇလွႆးလွႆးၼႆ လိၵ်ႈတႆးႁဝ်းတေလီမႃးယူႇၶႃႈ။
ၾၢင်ႉ- လွၵ်းလၢႆးၼိူဝ်ၼႆႉ တေပဵၼ်တႃႇ ၼႂ်း Website ၵူၺ်းၶႃႈဢေႃႈ ပေႃးတေ တႅမ်ႈၶေႃႈမူၼ်ႉမေးၼႆ တေလႆႈၵႂႃႇတီႈ Web ၶဝ်။ ပေႃးပဵၼ်ၼႂ်းApp ၼိူဝ်ၽူင်းတႄႉ ႁဝ်းၶႃႈတေဢမ်ႇၸၢင်ႇႁဵတ်း တေၸၢင်ႈတဵၵ်းပၼ် ဝၢႆႇမိုဝ်းလူင်းၵူၺ်းၶႃႈဢေႃႈ။ ဝၢႆမိုဝ်းလူင်းၼၼ်ႉ ပွင်ႇဝႃႈပၼ်ၾၢင်ႉၶဝ် ၵၢၼ်ပိၼ်ႇသူဢၼ်ၼႆႉဢမ်ႇၶိုၵ်ႉၶႅမ်ႉၼႆၶႃႈ။
မႂ်ႇသုင်ၶႃႈ